گوگل نے اپنے سرچ انجن کے لیے اہم اے آئی اپ ڈیٹس کا اعلان کر دیا
واشنگٹن: گوگل نے اپنے سرچ انجن میں کئی نئی اے آئی اپ ڈیٹس کا اعلان کیا ہے، جو کہ اب تک کی سب سے اہم اپ ڈیٹس میں شمار کی جا رہی ہیں۔
برطانیہ میں، اینڈرائیڈ اور آئی او ایس صارفین اپنے فون کے کیمرے کی مدد سے کسی چیز کی طرف دیکھتے ہوئے سوالات پوچھ سکیں گے۔
اس کے علاوہ، گوگل اپنے سرچ لیبز پروگرام کے تحت ابتدائی ٹیسٹرز کے لیے ایک ایسا اے آئی ٹول متعارف کرائے گا جو ویڈیو ریکارڈنگ کے دوران سوالات کے جواب دینے کی صلاحیت رکھتا ہے۔ یعنی، یہ ٹولز ویڈیو اور صارف کے سوالات کو ایک ساتھ سمجھنے کی قابلیت حاصل کر لیں گے۔
یہ بات قابل ذکر ہے کہ اسمارٹ فونز میں مختلف اپ ڈیٹس کا مقصد صارفین کو بہتر سہولیات فراہم کرنا ہے۔ اس کے ساتھ ساتھ، بڑی ٹیک کمپنیوں کی جانب سے نئے جنریٹو اے آئی ٹولز متعارف کرائے جا رہے ہیں تاکہ نئے صارفین کو بھی اپنی جانب متوجہ کیا جا سکے۔
