ملک کے بیشتر اضلاع میں گرم اور مرطوب موسم کی پیشگوئی
اسلام آباد (تازہ ترین – 28 ستمبر 2024ء)
ہفتے کے روز ملک کے زیادہ تر علاقوں میں موسم گرم اور مرطوب رہنے کا امکان ہے۔ آنے والے 24 گھنٹوں میں اسلام آباد، خیبر پختونخوا، پنجاب، پوٹھوہار، کشمیر، اور گلگت بلتستان میں آندھی اور گرج چمک کے ساتھ بارش ہو سکتی ہے۔ محکمہ موسمیات کے مطابق، اس دوران اسلام آباد، بالائی خیبر پختونخوا، شمال مشرقی پنجاب، پوٹھوہار اور کشمیر میں کچھ جگہوں پر تیز بارش یا ژالہ باری متوقع ہے، جبکہ باقی ملک میں موسم گرم اور مرطوب رہے گا۔
رپورٹ کے مطابق، پچھلے 24 گھنٹوں میں ملک کے زیادہ تر حصوں میں موسم گرم اور مرطوب رہا، جبکہ پوٹھوہار، اسلام آباد، شمال مشرقی پنجاب، اور بالائی خیبر پختونخوا میں تیز ہواؤں کے ساتھ بارش ہوئی، اور کچھ جگہوں پر موسلادھار بارش بھی ہوئی۔
