خیبرپختونخواہ ہاؤس کو سیل کر دیا گیا
اسلام آباد انتظامیہ نے خیبرپختونخواہ ہاؤس کو سیل کر دیا ہے۔ میڈیا کے مطابق سی ڈی اے نے بلڈنگ قوانین کی خلاف ورزی کی وجہ سے کئی بلاکس سیل کیے۔
کیونکہ اس کی لیز 2006 میں ختم ہو چکی تھی۔ سی ڈی اے نے انتظامیہ کو کئی نوٹس بھیجے، جن میں آخری رواں سال 3 مئی کو تھا، لیکن کوئی توجہ نہ دی گئی، اس لیے عمارت کو سیل کر دیا گیا۔
خیبرپختونخواہ ہاؤس اس وقت خبروں میں آیا جب تحریک انصاف کے رہنما علی امین گنڈاپور وہاں پہنچے۔ تحریک انصاف نے کہا کہ انہیں حبس بے جا میں رکھا گیا ہے، لیکن وزیر داخلہ نے اس بات کی تردید کرتے ہوئے کہا کہ وہ اپنی مرضی سے وہاں سے گئے تھے۔
اتوار کی رات علی امین کی گمشدگی پر خیبرپختونخواہ اسمبلی کا ہنگامی اجلاس ہوا، جس میں اراکین نے شدید تقاریر کیں۔ اچانک علی امین اسمبلی میں آ گئے، جس پر اراکین نے نعرے لگائے اور وزیراعلیٰ نے ان کے نعروں کا ہاتھ ہلا کر جواب دیا۔
