باکسر عامر خان نے آرمی چیف جنرل عاصم منیر کے وژن کو سراہا
جنرل عاصم منیر پاکستان کے اب تک کے بہترین، ایماندار اور حیرت انگیز آرمی چیف ہیں جو پاکستان کو ترقی کی راہ پر گامزن دیکھنا چاہتے ہیں
عامر خان نے میڈیا سے بات کرتے ہوئے آرمی چیف جنرل عاصم منیر کی تعریف کی اور کہا کہ وہ ایک مخلص اور بصیرت والے رہنما ہیں جو پاکستان کی ترقی چاہتے ہیں۔ پاکستانی باکسر نے بتایا کہ ان کی جنرل عاصم منیر سے دو ملاقاتیں ہوئیں، اور انہیں ایک ایماندار اور حیرت انگیز انسان پایا۔
عامر خان نے کہا کہ جنرل عاصم منیر کے ساتھ ملاقات ایک بہترین تجربہ تھا۔ وہ چاہتے ہیں کہ پاکستان ہر شعبے، جیسے کھیل اور تعلیم میں ترقی کرے۔ عامر خان نے مزید کہا کہ انہیں جنرل عاصم منیر پر فخر ہے اور انہیں پاکستان کا بہترین آرمی چیف قرار دیا۔
عامر خان نے پاک فوج کا بھی شکریہ ادا کیا، جنہوں نے انہیں اعزازی کپتان کا عہدہ دیا اور بتایا کہ وہ جلد ہی پاکستان میں کھیلوں اور فلاحی کاموں کے لیے آئیں گے۔
